Менаџерот на Арсенал, Микел Артета, беше среќен по победата од 2-0 против Манчестер јунајтед во големото дерби од 14-тото коло на англиската Премиер лига. Во своето излагање, Артета изрази задоволство не само од резултатот, туку и од начинот на којшто беше постигнат.
„Многу сум среќен, ова беше специјална вечер на овој неверојатен стадион. Мислам дека заслуживме да го добиеме овој натпревар. Го сменивме составот поради неколку повреди, но каква само енергија имаше на стадионот! Направивме неколку промени во второто полувреме, тимот беше одличен. Треба да продолжиме во истиот дух“, изјави Артета.
Трите бода беа од огромно значење за лондонскиот клуб бидејќи со нив го намалија заостанувањето зад лидерот Ливерпул. Сепак, Артета изјави дека сè уште е прерано да се размислува дали неговите играчи имаат сили да влезат во трката за титулата оваа сезона, нешто што го правеа во последните две сезони, но во двата случаи им недостигаше малку за да стигнат до трофејот.
„Во прв момент, не знаев дека Ливерпул загубил бодови славејќи ја победата во соблекувалната. Потоа ја добивме таа вест, но, верувајте, сѐ уште е рано за размислувања за титулата“, додаде Артета.
