Бразилецот Артур Мело синоќа пристигна во Торино и денеска ќе треба да ги мине стандардните медицински прегледи, по кои ќе потпише договор со италијанскиот првак Јувентус.
Сега се очекува и Миралем Пјаниќ да замине за Барселона, како дел од трампата на двата клуба, во која Јувентус ќе треба да доплати 10 милиони евра.
https://twitter.com/elchiringuitotv/status/1277018991995899906?s=20
Артур Мело е проценет на 70 милиони евра, Пјаниќ на трансфер пазарот чини 60 милиони евра, а и двајцата играчи и клубовите прифатија договор да ги заменат играчите од средниот ред.
Јувентус ќе добие многу помлад фудбалер, бидејќи Мело има 23 години и на него сериозно смета за во иднина како дел од планот тимот да се подмлади.
На Барса и треба искусен фудбалер од калибарот на Пјаниќ, кој има 30 години и многу одиграни натпревари на врвно ниво.
