Аталанта стигна до минимална, но значајна победа на гостувањето кај Џенова, совладувајќи го домаќинот со 0-1 во 16-тото коло од италијанската Серија А.
Натпреварот доби јасна насока уште на самиот почеток, кога Џенова остана со играч помалку по директниот црвен картон на голманот Леали, кој го собори Манчини надвор од шеснаесетникот. Тој момент целосно го диктираше понатамошниот тек на средбата.
Аталанта очекувано доминираше во поседот на топката, додека избраниците на Даниеле де Роси се обидуваа да се заканат преку брзи контранапади. Сепак, на „Луиџи Ферарис“ немаше многу возбудувања, а ретките обиди на Де Кетеларе и Коломбо не донесоа промена на резултатот.
🇮🇹⚫️🔵 Genoa 0-1 Atalanta | Serie A
— Ligas Top del Fútbol (@LigasTopFutbol) December 21, 2025
AL MINUTO 90+3 ISAK HIEN LE DIO LA VICTORIA AGÓNICA A LA DEA 🇸🇪
Sigue la levantada de Atalanta con Palladino 📈pic.twitter.com/t3cs2K5g0N
Во четвртата минута од судиското продолжение, по корнерот изведен од Залевски, Исак Хиен најдобро се снајде во скок-играта и со удар со глава го совлада немоќниот Сомарива, носејќи ѝ три бода на Аталанта.
По оваа победа, тимот од Бергамо се искачи на деветтото место на табелата со 22 освоени бода, додека Џенова останува во долниот дел, на 17-тата позиција со 14 бода.
