Кошаркарите на Атланта хоукс го направија изненадувањето на вечерта во НБА лигата славејќи против Бостон на гости со 115-119, по продолжение. Тре Јанг со 28 поени, 11 асистенции четири скока беше најрасположен за игра во победничкиот тим.
Бостон првата четвртина ја доби со 33-21, но потоа возврати Атланта во втората со 15-31. Двата тима имаа подеми и падови и во останатиот дел од натпреварот.
Џејлен Браун со 24 поени и Џејсон Тејтум со 23 поени беа најефикасни кај Бостон.
Koшаркарите на Феникс Санс го совладаа Детроит како гости со 121-125. Ник Ричардс, центарот кој пристигна како замена за Јусуф Нуркиќ, имаше блескав деби настап.
Ричардс за 29 минути на паркетот оствари дабл-дабл, постигнувајќи 21 поен со шут од игра 7/8, заедно со 11 скокови.
Донован Мичел со 36 поени беше предводникот на Кливленд во триумфот (117-124) на гости против Минесота.
Резултати: Бостон – Атланта 115-119, Индијана – Филаделфија 115-102, Голден Стејт – Вашингтон 122-114, Минесота – Кливленд 117-124, Портланд – Хјустон 103-125.
