Спринтерот од Санкт Петербург, Кирил Чернухин, на трката на 100 метри на руското првенство во атлетика во Казањ се појави облечен во британски дрес, а потоа ги запрепасти сите со објаснувањето на својот луд потег.
Чернухин го направил тоа за „секој руски спринтер да биде пред Англосаксонецот“.
„Не сум во најдобра форма во моментов. Не можам да трчам брзо. Сакав момците да го почувствуваат тоа: и да речат „Бам – го скршивме Британецот!“. Супер, нели? Точно, арбитрите во судиската соба беа скептични кон идејата. Ми рекоа: „Дали си луд?“ Повеќе од десет наши момци доминираа над Англичаните. Немаше негативност, сè беше забава. Сега ќе смислам нешто ново, втор пат истото нема да биде интересно“, објасни Чернухин.
Фото: ВФЛА
Гореспоменатиот атлетичар го имаше 13-тиот резултат, 100 метри истрча за 10,69 секунди, па така 12 Руси „го победија Англичанецот“ во таа прилика.
Чернухин вели дека не ги мрази Британците.
„Не би рекол дека не ми се допаѓаат. Само што долго време немавме меѓународни натпревари. Да бев во врвна форма, немаше да го правам ова. Ќе ја носев руската униформа. Но, сега не сум достоен за неа“, додаде спринтерот кој го привлече вниманието на медиумите со својот несекојдневен потег.
