Спринтерката Џунел Бромфилд открила дека била жртва на злоставување за време на неодамнешните Олимписки игри во Париз поради нејзината врска со олимпискиот победник на 100 метри, Американецот Ноа Лајлс.
Бромфилд, која има медал од Олимписките игри во Токио, била вознемирувана на социјалните мрежи, каде што ја нарекувале „продадена“ поради нејзината врска со американскиот спринтер, а некои ѝ се заканувале дури и со смрт.
„Неколку недели ме малтретираат на интернет, а кога зборувам за тоа, ме нарекуваат лажга. Искрено мислев дека сме поминале преку расизмот на Јамајка, особено како нација која е полна со црнци“, изјави Бромфилд.
Во Париз, не успеа да напредува повеќе од полуфиналето на трката на 400 метри, но беше дел од штафетата на Јамајка на 4×400 метри која освои сребро на СП 2022 и бронза на ОИ 2020.
Лајлс ја поддржа, истакнувајќи дека нејзината способност да се справи со омразата и непочитувањето е уште повпечатлива од нејзините спортски достигнувања.
„Нападната е од луѓе кои никогаш не ја запознале, не го слушнале нејзиното име, не ја виделе нејзината насмевка или не знаат во што верува“, истакна Лајлс.
