Атлетико Мадрид игра се подобро, па по почетната криза, веќе има девет меча во серија без пораз во Ла Лига и се искачи на четвртата позиција на табелата, со 22 бода, колку што има и Барселона.
„Јорганџиите“ попладнево со убедливи 3-0 славеа над Севиља, иако по првиот дел немаше голови.
Хулијан Алварес од пенал во 64-тата минута го отвори резултатот, а Алмада во 77-мата минута зголеми на 2-0. Конечните 3-0 ги постави Антоан Гризман во 90-тата минута.
