Диего Симеоне ѝ постави ултиматум на Управата на Атлетико Мадрид да ги задржи најдобрите играчи како услов тој да остане кормилар на клубот.
Раководството на популарните „јорганџии“ ги почна преговорите со одличниот стратег за продолжување на договорот, кој важи до 2020 година, но не оди сè толку мазно.
Симеоне сака да останат сите важни алки во неговиот состав, вклучувајќи ги и голманот Јан Облак и Лукас Ернандес, секако и останатите ѕвезди во тимот.
И Облак и Ернандес имаат понуди од повеќе клубови, Годин најави заминување, а што е најинтересно веќе долго време се шпекулира дека и Симеоне ќе си замине.
Интер е сериозно заинтересиран за тренерот на Атлетико, па ако преговорите со Атлетико не успеат, можно е Чоло да си замине во Серија А, на кормилото на „нераѕурите“ од Милано.
