Жоао Феликс потпиша за Атлетико Мадрид, што е најголем трансфер во досегашниот дел од летниот преоден рок во Европа. Талентираниот португалски репрезентативец дојде кај Јорганџиите за сума од 126 милиони евра и стана најскапоплатениот фудбалер во историјата на мадридскиот клуб.
Атлетико го обврза Феликс со седумгодишен договор. Дебито во новиот тим ќе го има на 18 август, во пријателски дуел против Боавишта. Мадриѓаните веднаш го промовираа и новиот број на новата ѕвезда. Феликс ќе игра со бројот 7, кој во претходните сезони беше резервиран за Антоан Гриезман. Со овој потег, станува сè појасно дека Гриезман за некое време ќе го комплетира договорот со Барселона.
