Фудбалерите на Атлетико Мадрид ја совладаа Алмерија со 2:1 во 16-то коло во Ла Лига и се израмнија на третото место на табелата со Барселона која својот меч ќе го игра вечерва.
Атлетико фуриозно го започна натпреварот и за само пет минути поведе со 2:0. Резултатот го отвори Алваро Мората во 17 минута и тоа беше негов 22-ри гол во 2023 година, а 13-ти оваа сезона во сите натпреварувања.
Ова воедно беше 17-та победа по ред за Атлетико Мадрид во Ла Лига.
Само пет минути подоцна Кореа зголеми на 2:0.
Во вториот дел , Јорганџиите не играа толку офанзивно и тоа го искористи Лео Баптистао во 62-та минута да постигне гол и да намали на 2:1, резултат кој на крајот се покажа како конечен иако гостите доминираа до крајот на мечот.
