Атлетико Мадрид убедливо со 5:1 го победи Кадис, па тимот на Диего Симеоне стигнаа до второто место на табелата, веднаш зад лидерот Барселона. Јорганџиите сега имаат 69 бода, еден повеќе од градскиот ривал Реал Мадрид, и си обезбедија место за настап во Лигата на шампионите за следната сезона.
На овој меч против Кадис, Атлетико само потврди дека тоа не е екипа која негува само дефанзивна силна линија, туку и дека има одличен напад. Во последните четири дена, Атлетико одигра два натпревари во првенството и постигна 10 погодока. Освен синоќешниот триумф со 5:1 над Кадис, во претходното коло Атлетико Мадрид славеше со 5:2 на гости кај Валјадолид.
Ова е првпат по пауза од неверојатни 75 години Атлетико Мадрид на два меча по ред во првенството да постигне барем по пет голови. Тоа последен пат овој клуб го имаше направено во далечната 1948 година.
5 – Atlético de Madrid have scored five or more goals in consecutive LaLiga games for the fourth time ever, the first time since January 1948. Unleashed. pic.twitter.com/d5dEaDdiLd
— OptaJose (@OptaJose) May 3, 2023
