Управата на Атлетико Мадрид ја одреди отштетата за Жоао Феликс и секој што налето сака да го купи Португалецот ќе мора да плати неверојатни 140 милиони евра, пишува весникот „Мундо Депортиво“.
Феликс моментно настапува на шестмесечна позајмица во Челзи, а премиерлигашот при потпишувањето на договорот инсистираше да не се вметнува клаузула за задолжителен откуп на Португалецот.
Сумата што ја бара шпанскиот тим за продажба на Жоао Феликс е поголема од таа што ја плати во 2019 година, кога од Бенфика го донесе на „Ванда Метрополитано“.
Феликс пристигна во Атлетико за 126 милиони евра и играше во многу подобра форма отколку што игра сега и токму поради тоа, сите се шокирани од цената што шпанскиот тим ја бара.
Португалецот во дресот на Атлетико одигра 131 натпревар и постигна 34 гола, а во 2021 година ја освои титулата во Ла Лига.
