Аугсбург забележа исклучително важна победа во премиерниот меч од 19. коло во Бундеслигата против Баер Леверкузен, а има и нов клупски рекордер.
Тоа е Мергим Бериша, стрелецот на единствениот гол вечерва на „ВВК арена“ во Аугсбург.
Бериша игра за Аугсбург како позајмен играч од Фенербахче и се покажува како златна позајмица за клубот од Баварија.
На последните шест меча што Аугсбург ги играше дома, 24-годишниот напаѓач учествуваше директно во шест гола, односно даде четири погодоци и има две асистенции, што е најдобар учинок во клупската историја.
6 – Mergim Berisha has been involved in each of FC Augsburg's last six home goals in the Bundesliga (4 goals, 2 assists), the longest run of goal involvements by an Augsburg player on home soil in the Bundesliga. Record. #FCAB04 pic.twitter.com/AlkqojZRN8
— OptaFranz (@OptaFranz) February 3, 2023
Бериша беше стрелец и на претходниот меч што Аугсбург го доби со ист резултат 1:0 на домашен терен против Борусија Менхенгладбах, а има хет-трик на мечеви на кои ја погодува противничката мрежа.
Аугсбург по победата вечерва има 21 бод на 13. место и има пет бода повеќе од Бохум, кој е најдобар од трите клуба што се во зоната за испаѓање.
Баер остана на 24 бода и на деветтото место во Бундеслигата.
