По една и пол година помината како играч на Ал Хилал во Саудиска Арабија, Нејмар се подготвува за нов предизвик. Според најавите од Бразил, големата фудбалска ѕвезда во следните шест месеци ќе игра во тимот на Сантос и тоа како позајмен играч.
Актуелниот договор на Нејмар со Ал Хилал е до крајот на сезонава, но од тимот од Саудиска Арабија одлучија дека Бразилецот веќе не им е потребен. Нејмар беше најавуван како огромно засилување на Ал Хилал, но за една и пол сезона одигра само седум меча, а заработи 200 милиони евра.
Сантос е клубот во кој Нејмар ја започна кариерата. Таму се појави како 11-годишно дете и помина дури 10 години во сите младински категории, а потоа блесна и во сениорскиот состав, пред да направи трансфер во Барселона во 2013 година. Сега, по 12 години пауза, Нејмар се враќа дома.
🗣️ NEYMAR IS GOING BACK TO SANTOS pic.twitter.com/vEIoodxsmH
— Roberto Rojas (@RobertoRojas97) January 19, 2025
