Винченцо Монтела ќе биде сменет во Фиорентина, без разлика дали ќе успее да избори опстанок со тимот во недела, во последното коло од Серија А, а во Фиренца се загрижени и за таков епилог.
И имаат за што да стравуваат бидејќи тренерот не се радувал на триумф против ниедна екипа повеќе од една година. И што е најинтересно, три бода Монтела како тренер за последен пат освои со Севилја, на 13 март 2018 година. Потоа следуваше серија од 9 меча без победа, па доби отказ, а и сега со Фиренца доживува нокаути на терените во Серија А и има црна серија од 7 меча без триумф.
Фиорентина може и со еден бод против Џенова на свој терен во недела да избори опстанок, но со пораз може и да испадне.
Популарното Авионче сигурно ќе си замине по завршувањето на сезоната, а двете последни авантури како тренер му се катастрофални.
