Искусниот австриски напаѓач Гвидо Бургшталер се здобил со тешки повреди на главата откако бил нападнат и претепан во центарот на Виена. Искусниот 35-годишен офанзивец бил нападнат во главниот град на Австрија, и тоа пред многубројни случајни минувачи.
Нападот го извршил непознат маж кој започнал да го удира Бургшталер. Фудбалерот паднал кога со главата директно удрил во асфалтот и ја скршил основата на черепот. Бургшталер веднаш бил пренесен во болница, каде што му биле извршени и дополнителни прегледи, а според информациите, во следните неколку дена ќе мора да биде на интензивна нега.
Furchtbare Nachrichten um Guido Burgstaller: Der Rapid-Kapitän wurde am Wochenende in der Wiener Innenstadt schwer verprügelt und schwer verletzt! Er erlitt einen Schädelbasisbruch. https://t.co/UCQwOv46Hz pic.twitter.com/YwqtgsMF8q
— Kronen Zeitung (@krone_at) December 16, 2024
Според некои информации, за Бургшталер оваа фудбалска сезона веќе е завршена. Неговиот договор со Рапид му истекува на крајот од оваа сезона, а тој најавуваше дека ова ќе биде негова последна сезона, што значи дека 35-годишниот голгетер на неславен начин става крај на кариерата.
Бургшталер 26 меча има одиграно и во репрезентативниот дрес на Австрија, а има постигнато и два погодоци.
