Во близина на градот Стара Пазова во Србија, од патот излета автобус со клупските облежја на Црвена ѕвезда и привлече внимание кај луѓето кои поминуваа од тука.
Станува збор за автобус со кој се возеле џудистите на Ѕвезда, а за среќа нема повредени, или не дај боже, загинати спортисти во инцидентот.
Интересно е дека се огласија од Џудо клубот Црвена ѕвезда и се пошегуваа дека одржале тренинг на отворено, со тоа што џудистите го туркале автобусот, со цел да го вратат на патот и да може да продолжат со патувањето кон Белград, каде се враќале од турнир во Нови Сад.
Инаку, возачот малку го утнал патот и во обид да се врати, со задните тркала отишол во тревата покрај патот и не можел да се врати на патот, па морале да помогнат џудистите.
