Македонскиот фудбалски репрезентативец Давид Бабунски, пред поаѓањето за Фарски острови, рече дека противникот никако не смее да биде потценет, но ако одиграме како што знаеме, би требало да освоиме три бода в сабота попладне во Торшавн.
„Тоа што било досега, треба да го оставиме зад себе, да извлечеме поука да станеме подобри. Како екипа мислам дека не сме во позиција да потценуваме било кој противник, фудбалот се развива, сите се спремни. Мора да се држиме до нашиот план и принципите во играта. Одговорноста и тактичката дисциплина треба да ни бидат приоритет за да дојде до израз нашиот индивидуален квалитет. Ако тоа го исполниме, нашиот квалитет ќе ни овозможи да направиме разлика и да го добиеме мечот“, вели фудбалерот на Данди јунајтед.
