Голманот на германската репрезентација, Мануел Нојер, испиша историја на светските првенства станувајќи голман со најмногу настапи на Мундијалите.
Дуелот со Костарика му беше 19-ти на најголемиот фудбалски настан и со тоа надмина две легенди, Германецот Сеп Маер, кој во 1974 година беше светски шампион, и Клаудио Тафарел, кој со Бразил во 1994 година ја освои титулата. И Маер и Тафарел имаат по 18 настапи на Мундијалите.
Рекордот му е мала утеха на Нојер бидејќи иако Германија вечерва славеше со 4:2 над Костарика, на крајот го освои третото место во групата Е и предвреме од очекуваното ги заврши настапите на СП во Катар.
