Екипите од Саудиска Арабија направија бум во летниот преоден рок, фрлија повеќе од милијарда евра за носење на фудбалски ѕвезди како Нејмар, Бензема, Митровиќ, Фирмињо, како и Кристијано Роналдо шест месеци порано, но имаат огромен проблем со слабиот интерес кај навивачите и празните трибини.
Иако цените на влезниците за навивачите се доста ниски, трибините зјаат празни, а најдобар доказ е мечот на тимот кој го предводи легендарниот Стивен Џерард, Ал-Етифак. Имено, дуелот меѓу Ал-Етифак и Ал-Ријад го следеле само 696 навивачи.
На социјалните мрежи веднаш почнаа да тераат сеир со Саудијците, а англиските медиуми открија дека на меч од осмата лига меѓу Клитеро и Њукасл таун имало повеќе гледачи од дуелот на Ал-Етифак, 702.
