Англискиот шампион Ливерпул покажува „сериозен интерес“ за германскиот репрезентативец Флоријан Вирц, потврди спортскиот директор на Баер Леверкузен, Симон Ролфес. Плејмејкерот на експрвакот на Бундеслигата сака да направи трансфер летово, а Црвените се сметаат за главни фаворити за неговиот потпис.
„Постои сериозен интерес од Ливерпул, но засега нема ништо повеќе што можам да кажам. Флоријан сè уште е наш играч“, изјави Ролфес за германските медиуми.
Според информациите на „Скај Германија“, преговорите меѓу двата клуба се водат со брзо темпо и имаат позитивен тек. Самиот Вирц сака да игра во Премиер лигата и веќе го чека дозволата од Баер Леверкузен за да отпатува во Ливерпул и да ги заврши медицинските тестови.
Bayer Leverkusen sporting director Simon Rolfes has responded to Florian Wirtz and Liverpool links:
— DaveOCKOP (@DaveOCKOP) May 26, 2025
“He’s one of our players. Naturally, there’s a lot of interest. There’s concrete interest from Liverpool.” (The Athletic) pic.twitter.com/HLoKnCNGah
Флоријан Вирц, кој беше клучен играч во шампионската сезона на Леверкузен, може да чини и до 150 милиони евра, сума која не ги обесхрабрува англиските шампиони.
Ливерпул не е заинтересиран само за Вирц. Уште еден играч на Баер Леверкузен е блиску до трансфер на „Енфилд“. Станува збор за десниот бек Жереми Фримпонг, кој е проценет на околу 35 милиони евра.
Доколку трансферите се реализираат, Ливерпул ќе добие значителни засилувања во офанзивата и дефанзивата во пресрет на новата сезона во Премиер лигата и Лигата на шампионите.
