Фудбалерот за врска на Манчестер сити, Џејмс Мекати, е главната трансферна цел на Баер Леверкузен ако Аспирините летово се разделат со Флоријан Вирц, пренесуваат медиумите на Островот. Германскиот клуб испратил понуда за Мекати и овој јануари, но Манчестер сити ја одбил.
Мекати има договор со Граѓаните до 2026 година, но сака да игра во клуб каде што ќе добива повеќе минути и ќе има поголема улога. Иако уште има шанси да се избори за место во Манчестер сити, англискиот шампион се очекува летово да се раздели со Џек Грилиш и Кевин де Бројне. Интересно е што Сити важи за еден од фаворитите за потписот на Вирц, па можно е Мекати да биде вклучен во евентуална размена.
Сепак, трансферната стратегија на Баер Леверкузен може да се промени ако Чаби Алонсо го напушти клубот. Шпанецот се поврзува со Реал Мадрид како можен наследник на Карло Анчелоти.
Иако е само 21-годишен, Флоријан Вирц веќе е стандарден репрезентативец на Германија со 29 настапи и шест гола. За Баер Леверкузен тој одигра 188 натпревари, постигна 56 гола и забележа 63 асистенции. Од друга страна, Мекати има 26 настапи и шест погодоци за Манчестер сити.
