Голем кикс на фудбалерите на Лајпциг, кои на домашен терен не успеаја да го победат Унион Берлин и одиграа само 0-0, со што само го расипаа максималниот ефект кој го имаа на стартот од Бундес лигата.
Нашиот репрезентативец, Елиф Елмас, мечот го гледаше од клупата за резерви и се уште ги чека првите бундеслигашки минути оваа сезона.
Баер Леверкузен после поразот од Лајпциг во претходното коло, им се врати на победите во Бундес лигата и покажа шампионска игра на гостувањето кај Хофенхајм. „Фармацевтите“ победија со убедливи 1-4, а победата ја најавија после само половина час игра. Терие и Вирц постигнаа по еден гол, додека Бонифаче двапати погоди во прежата на противникот.
Денешната бундеслигашка програма ќе ја затворат екипите на Холстен Кил и Баерн Минхен, а „баварците“ имаат шанса со победа да се искачат на врвот од табелата и да бидат единствената максимална екипа после три првенствени кола.
Резултати:
Борусија Менхенгладбах – Штутгарт 1-3
Фрајбург – Бохум 2-1
Хофенхајм – Баер Леверкузен 1-4
Лајпциг – Унион Берлин 0-0
Волфсбург – Ајнтрахт Франкфурт 1-2
