Германскиот првак Баерн Минхен покажува голем интерес за напаѓачот на Челзи, Кристофер Нкунку, кој се очекува да го напушти „Стемфорд бриџ“ ова лето.
Баварскиот клуб верува дека Нкунку е совршен профил за да го замени Кингсли Коман на крилната позиција, а разговорите за можен трансфер веќе се во тек.
Францускиот офанзивец е подготвен да се врати во Бундеслигата, а за него е заинтересиран и поранешниот клуб Лајпциг. Сепак, се чини дека Нкунку не би имал ништо против да го облече дресот на Баерн и да јуриша на трофеите во новата сезона.
Баерн Минхен подолг период преговара и со Штутгарт околу евентуалниот трансфер на младинскиот репрезентативец на Германија, Ник Волтемаде.
