Тренерот на Баерн Минхен, Томас Тухел, ќе добие шанса во летниот преоден рок да создаде тим по свој вкус со кој треба идната сезона да доминира во Бундеслигата и да се обиде да дојде до триумф во Лигата на шампионите и прва задача ќе му биде да најде квалитетен напаѓач.
Германските медиуми пишуваат дека Баерн налето ќе тргне по потписот со Виктор Осимен од Наполи, за кого се подготвени да платат повеќе од 100 милиони евра отштета, и имаат таен адут со кој се надеваат дека ќе ги победат останатите европски гиганти кои се заинтересирани за одличниот напаѓач.
Bayern board has already agreed to spend a new club record fee for a new striker.
Victor Osimhen's girlfriend, Stephanie, is German and longing for a return there. That's why Osimhen is open to a Bundesliga move. Bayern have to dig into their pockets as Napoli want 150m
[BILD] pic.twitter.com/QWc1k4LkDo
— Football & Witball (@FootballWitball) April 26, 2023
Челниците на Баерн сметаат дека клучна улога во изборот на новиот тим на Осимен, ќе игра неговата девојка Стефани која е Германка. Според новинарот на „Билд“, Кристијан Фалк, Стефани сака таа и нејзиното момче од Италија да се преселат во Германија.
Освен Осимен, на листата на желби на Тухел се наоѓа и хрватскиот репрезентативец Матео Ковачиќ од Челзи. Неговиот договор со Сините истекува идната година и Тухел се надева дека „на попуст“ ќе успее да го донесе Хрватот на „Алијанц арената“.
