Годинава беше одложена геј парадата која традиционално се одржува на Денот на Кристофер Стрит, но коронавирусот не ја спречи кампањата против хомофобијата, дискриминацијата, па Баерн Минхен сакаше да покаже дека е космополитски клуб и даде поддршка со тоа што надворешноста на „Алијанц арената“ блесна во боите на виножитото, симбол на ЛГБТ заедницата и симбол за толеранција, почит и соработка. Поранешен претседател на Баерн (Анџело Кнор) кој раководеше со клубот во далечното минато, од 1906 до 1913 година, бил хомосексуалец.
Инаку, пристигна вест и дека ѕвезда на англиската Премиерлига испратил отворено писмо во кое тврди дека е геј. Фудбалерот сака да остане анонимен, бидејќи се плаши од реакциите доколку јавно открие дека е хомосексуалец. Тој напиша дека кога имал 19 години станал геј, но уште не е подготвен да им признае на соиграчите и тренерот за својата сексуална определба.
Прв британски фудбалер кој призна дека е хомосексуалец, беше Џастин Фашану, но осум години по признанието, во 1998 година, се самоуби.