Одличниот офанзивен фудбалер од средниот ред на Баерн Минхен, Џамал Мусијала, иако има само 21 година, важи за еден од најдобрите во светот на неговата позиција. Договорот со Баварците му истекува во 2026 година, па раководството на клубот веќе му нуди продолжување до 2030.
Според новиот договор, Мусијала би заработувал по 25 милиони евра годишно, односно 100 милиони евра за четирите години од продолжувањето на договорот. Доколку фудбалерот прифати, ќе стане најплатениот фудбалер во историјата на Бундеслигата, со оглед на тоа дека Роберт Левандовски и Хари Кејн во моментов го делат првото место со плата од по 20 милиони евра по сезона.
Информациите на германскиот Билд се дека фудбалерот ќе ја прифати оваа понуда и ќе остане во Минхен најмалку уште шест години.
