Шпанскиот репрезентативец Нико Вилијамс е приоритет во летниот преоден-рок за Баерн Минхен. Баварците сакаат да донесат ново крило, а како главна опција го гледаат фудбалерот на Атлетик Билбао.
Спортскиот директор на Баерн, Макс Еберл, веќе одржал средба со агентите на Вилијамс за потенцијален трансфер, пишува „Билд“. Дваесет и двегодишниот фудбалер има откупна клаузула во висина од 58 милиони евра. Шпанецот е силно посакуван од раководството на Баерн, но се смета дека поголема пречка за трансферот би можела да биде високата плата што тој ќе ја побара.
Max Eberl held a meeting with the agents of Nico Williams on Sunday in Munich, before the Nations League final. The Spaniard is Eberl’s priority target [@altobelli13, @cfbayern] pic.twitter.com/hwkDpMIcT6
— Bayern & Germany (@iMiaSanMia) June 10, 2025
Веќе е познато дека Лерој Сане ја напушта „Алијанц арената“, а доколку дојде и до продажба на Кингсли Коман, тогаш ќе треба да се ангажираат две крила.
Од друга страна, Атлетик Билбао се подготвува да му понуди продолжување на договорот со подобрени услови, со што би заработувал околу 10 милиони евра, во обид да го задржи подолго во своите редови.
