Томас Милер (35), легендата на Баерн Минхен и еден од најтрофејните германски фудбалери, ќе го напушти клубот на крајот од оваа сезона. Тој е дел од Баерн уште од десеттата година од животот, а за првиот тим настапи на 750 натпревари, постигна 248 голови и асистираше 274 пати.
Thomas Muller Last Dance #FCBayern #Bayern #Monachium #Munchen #Bundesliga #MiaSanMeister #FCBBMG #DankeThomas #Germany pic.twitter.com/vGJcpHLNrP
— Marcin_Loboz (@Marcin_Lob) May 10, 2025
Со Баерн освои 12 титули во Бундеслигата, шестпати триумфираше во Купот на Германија и двапати ја освои Лигата на шампионите. Пред денешниот дуел со Борусија Менхенгладбах, Томас Милер и Ерик Даер, кој исто така си заминува, добија пригодни подароци од клубот.
🗣️ "Ich liebe euch alle, ich werde es vermissen." 🥹❤️ #DankeThomas pic.twitter.com/qekemBxpGy
— FC Bayern München (@FCBayern) May 10, 2025
Навивачите на „Алијанц арена“ на легендарниот Томас Милер приредија фантастична кореографија во негова чест.
Баерн објави видео со најдобрите моменти од неговата кариера, со наслов: „Томас, ти се поклонуваме.“
Томас Милер во отворено писмо до навивачите напиша:
„Моето 25-годишно патување како фудбалер на Баерн завршува ова лето. Тоа беше неверојатно патешествие, исполнето со уникатни моменти и незаборавни победи. Почувствував огромна благодарност.“
Баерн Минхен го зачини 750-тиот настап на Томас Милер и новата шампионска титула со триумф над Борусија Менхенгладбах со 2-0. Стрелци на головите беа Хари Кејн во 31-та минута и Мајкл Олисе во 90-тата минута.
