Баерн Минхен не е заинтересиран за Кристијано Роналдо, тврди претседателот на најтрофејниот германски фудбалски клуб. Причината е што Португалецот бил многу стар за да игра во Баерн. Иако Роналдо и на 35 години игра врвно и даде 22 гола на 27 меча за Јуве сезонава, во Баерн не би трошеле пари на него.
„Видов многу шпекулации во медиумите, тоа е неразбирливо за мене. Кристијано? Тој е премногу стар за нашиот клуб“ – изјави првиот човек на Баерн, Херберт Хајнер.
Баерн не крие дека е заинтересиран за Лирој Сане од Манчестер сити.
