Баерн прими гол, па се налути и го здроби Мајнц (Видео)

Баерн Минхен немаше милост против Мајнц и го победи убедливо со 6:1, иако почетокот на мечот не го најавуваше тоа. Баварците беа шокирани на стартот од мечот, откако Мајнц поведе со 1:0. Сепак, да нема никакви дилеми, Баерн до крајот на првиот дел даде два гола за водство од 2:1, а потоа во второто полувреме следуваше продолжување на гол шоуто.

Шестмина различни стрелци имаше за Баерн. Погодуваа Павард, Алаба, Перишиќ, Коман, Левандовски и Дејвис и на крајот Баерн стана првиот тим сезонава кој веќе има двоцифрен број на погодоци во Бундес лигата.

https://youtu.be/c6DzEjcRO7w

Шалке немаше проблеми и стигна до три бода на свој терен, откако со 3:0 ја победи Херта. Интересно е што гостите си дадоа два автоголови на овој меч. Волфсбург одигра само 1:1 на свој терен против Падерборн, а Баер не го скрши отпорот на Хофенхајм и одигра без погодоци во Леверкузен.

Келн беше единствениот тим кој попладнево се радуваше на гости, победувајќи со 2:1 кај Фрајбург. Во 18:30 часот е мечот меѓу Унион Берлин и Борусија Дортмунд.

 

- Оглас -

Најнови вести