Германскиот гигант Баерн Минхен го продолжува процесот на обновување на договорите со дел од најважните алки во тимот на Венсан Компани. Откако е продолжена соработката со Џошуа Кимих, Џамал Мусијала и Алфонсо Дејвис, раководството на клубот се насочи кон следни тројца фудбалери.
Ветеранот Томас Милер, крилниот напаѓач Лирој Сане и дефанзивецот Ерик Даер се новите фудбалери кои преговараат за нови договори.
“Баерн е клуб кој не препушта ништо на случајности. Откако постигнавме договори со Кимих, Мусијала и Дејвис, сега отпочнуваме со следната фаза. Имаме разговори со Томас Милер, Лирој Сане и со Ерик Даер. Потоа ќе дојде ред и на Леон Горецка”, изјави директорот Макс Еберл.
