Најтрофејниот германски клуб Баерн Минхен уште еднаш ја потврди доминацијата откако синоќа стигна до нова титула. Баварскиот гигант осма година по ред е шампион на Германија, нешто што не му успеало на ниту еден друг клуб никогаш.
За Баерн ова е јубилејна 30-та титула во Германија, а 29-та откако во 1963 година е формирана Бундеслигата. Интересно е што од формирањето на Бундеслигата, сите останати клубови имаат освоено 28 шампионски пехари, а Баерн сам има 29 трофеи, па првенството на Германија може и да се преименува од Бундес во Баернлига.
30 – @FCBayernEN celebrate their 30th German championship. FC Bayern have now won 29 out of 57 titles since the foundation of the Bundesliga in 1963 – more than all other clubs combined (28). Superiority. #SVWFCB pic.twitter.com/hCztkjjT6p
— OptaFranz (@OptaFranz) June 16, 2020
Освен овој рекорд на Баерн, синоќа во историјата на Бундеслигата се запишаа и двајца играчи на староновиот првак. Давид Алаба и Томас Милер стигнаа до деветтата титула во германското првенство и со тоа го израмнија рекордот на Франк Рибери.
Французинот Рибери лани реши да си замине од Баерн и потпиша за Фиорентина, а доколку останеше во Минхен, сега ќе беше првиот играч со двоцифрен број трофеи во првенството. Таква шанса може да добијат Милер и Алаба доколку останат и следната година во Баерн.
9⃣🏆 @FranckRibery
9⃣🏆 @David_Alaba
9⃣🏆 @esmuellert_Elite company 🔴⚪️ pic.twitter.com/VqfUYjguNs
— Bundesliga English (@Bundesliga_EN) June 16, 2020
