Бајката на Федерика Брињоне на Олимписките игри во Зимски олимписки игри Милано-Кортина 2026 продолжи и во велеслалом, каде што Италијанката го освои својот втор златен медал, откако претходно триумфираше и во супервелеслалом.
До последен момент не беше сигурно дали Брињоне воопшто ќе може да настапи на Олимпијадата по тешката повреда што ја заработи на крајот од минатата сезона. Таа се здоби со тројна фрактура на левата нога за време на шампионатот на Италија во Вал ди Фаса на почетокот на април и логично го пропушти стартот на тековната сезона.
Брињоне се врати во „белиот караван“ во јануари и беше вклучена во составот на Италија за домашната Олимпијада. Таа ја оправда довербата на најдобар можен начин, најпрво славеше во супервелеслалом, а денес додаде уште едно злато, триумфирајќи и во велеслаломот во Кортина д’Ампецо.
Во голема мера, Италијанката го обезбеди второто злато уште во првата трка, кога ги надмина сите конкурентки. По неа имаше предност од 0,34 секунди пред Германката Лена Дир, додека третопласирана беше нејзината сонародничка Софија Гоџа со заостанување од 0,46 секунди.
Тоа ѝ овозможи на Брињоне поконзервативен пристап во второто возење, каде што оствари дури 14-то време. Сепак, таа победи со предност од 0,62 секунди пред Норвежанката Теа Луизе Стернесунд и олимписката шампионка од Пекинг 2022, Сара Хектор, кои го поделија сребрениот медал.
Двете беа израменти и по првата трка, кога ја делеа четвртата позиција со 0,74 секунди заостанување зад Брињоне. Истото време го имаше и Албанката Лара Колтури, но таа не издржа под притисокот и на крајот заврши на 16-тото место.
Дир и Гоџа исто така назадуваа во второто возење и завршија на деветта и десетта позиција.
Најдобрата велеслаломистка сезонава, Јулија Шајб, беше петтопласирана со заостанување од 0,69 секунди зад новата шампионка. Пред неа, на четвртото место, се пласираше Лара Дела Меа, која остана без медал за само 0,05 секунди. Бидејќи Стернесунд и Хектор го поделија среброто, денес не беше доделен бронзен медал
