Тимот на Кливленд кавалирс ја оствари и 14-тата последовна победа во НБА лигата од стартот на сезоната. Коњаниците беа подобри од Чикаго булс со 144-126. Донован Мичел со 37 поени и седум скока, и Дариус Гарланд со 29 поени беа предводници во победничкиот тим кој гази сѐ пред себе оваа сезона.
Јусуф Нуркиќ одигра еден од послабите натпревари во својата НБА кариера изминатата ноќ, а неговите тим Феникс санс беше поразени од Оклахома Сити тандер со 99-83.
Нуркиќ не успеа да погоди ништо од игра, завршувајќи го натпреварот со шут 0/7. Своите четири поени ги постигна од линијата за слободни фрлања, каде исто така имаше половична успешност (4/8).
Најдобар кај Оклахома беше Шеј Гилџес-Александер со 28 поени, додека кај Феникс нешто подобар од другите беше Џош Окоги со 15 поени.
Најдобриот натпревар во својата кариера го одигра плејмејкерот на Сакраменто Кингс, Ди’Арон Фокс, кој постигна 60 поени. Сепак, неговиот тим беше поразен по продолженија од Минесота со 130-126.
Фокс ги постигна 60 поени со шут од игра 22/35 и погоди шест тројки од десет обиди. Дополнително, забележа седум асистенции.
Резултати: Индијана – Мајами 111-124, Орландо – Филаделфија 98-86, Торонто – Детроит 95-99, Атланта – Вашингтон 129-117, Кливленд – Чикаго 144-126, Њујорк – Бруклин 124-122, Сан Антонио – ЛА Лејкерс 115-120.
