Трагедијата која се случи во Кочани потресе многумина не само кај нас во Македонија, туку и во околината, па и подалеку. Пораки за сочувство доаѓаат од сите страни, утре ќе биде ден на жалост и во Србија и Бугарија.
Српските гиганти Црвена ѕвезда и Партизан кои имаат многу фанови кај нас, испратија пораки за поддршка кон Македонија и сочувство, истото го направи и Динамо Загреб од каде го спомнаа и фудбалерот Андреј Лазаров кој има играно во Хрватска, а преку Фејсбук се јави и најголемиот бугарски фудбалер и некогашен освојувач на „Златната топка“, Христо Стоичков.
„Светот може да биде толку убав, но може да биде и илјада пати пострашен! Нема ништо поужасно од смртта на млади луѓе! Наши деца кои отишле да се забавуваат! Очите ми се полнат со солзи кога читам и гледам вести! Господ нека е со Македонија!“, напишува легендата Стоичков.
