Натурализираните ракометари кои во своите редови ги има репрезентацијата на Катар ќе бидат најголемата опасност за Македонија на денешниот меч во Вараждин, од 15.30 часот, на Светското првенство.
На нашиот тим му одговара и реми за да го избегне последното место во групата.
Адути на Катар се нивниот селектор Веселин Вујовиќ, кој добро го познава македонскиот тим, другите двајца Балканци, Марковиќ и голманот Суљаковиќ, како и Кубанецот со катарски пасош, Франкис Марсо.
Катарците одиграа егал со брзата Холандија, против која за малку ќе извлечеа нерешен резултат. Го победија само Кувајт, а губеа тесно од Холандија и од Австрија, кои ни ние не ги победивме, а беа надиграни и поразени убедливо само од Франција.
