Поранешниот италијански репрезентативец, Марио Балотели, веќе една година не игра фудбал, откако последниот настап го имаше во дресот на Џенова на 24-ти декември 2024 година против Наполи во меч од Серија А.
Долго се шпекулираше за можни екипи и враќање на терените, но ништо од тоа не се оствари, па Балотели цела 2025 година немаше ниту еден настап.
Сега на негова адреса има нова понуда и тоа од екипа која е второлигаш во првенството на Обединетите Арапски Емирати. Арапските милиони може повторно да го вратат Италијанецот во фудбалот и тоа во екипата на Ал-Итифак од Дубаи.
35-годишниот Балотели во својата кариера настапуваше за Лумецане, Интер, Манчестер сити, Милан, Ливерпул, Ница, Марсеј, Бреша, Монца, Адана, Сион и Џенова. За репрезентацијата на Италија има 36 настапи и 14 гола.
