Престојот на Марио Балотели во Ница се ближи кон крајот, а негова следна дестинација би можела да биде англиски Њукасл.
Во Ница не можат да ги трпат хировите на проблематичниот Италијанец, а му дадоа и неколку слободни денови за да размисли за својата кариера. Марио има договор со тимот од Азурниот Брег до крајот на сезонава, но од клубот со задоволство би се ослободиле од него доколку добијат макар и симболично обесштетување.
Англиските медиуми шпекулираат дека 28-годишниот напаѓач би можело да потпише за премиерлигашот Њукасл, кој е подготвен да ризикува. Тренерот Рафаел Бенитес, кому му требаат играчи во битката за опстанок, дал зелено светло за доведување на некогашниот фудбалер на Ливерпул и Манчестер сити.
