Некогашниот италијански репрезентативец Марио Балотели се покажа како клучен играч во дербито на Серија Б меѓу Салернитана и Монца. Балотели го носи дресот на Монца, каде газда е некогашниот прв човек на МИлан, Силвио Берлускони и се бори за влез во Серија А.
Резултатот беше 1:1, кога на теренот во 80 минута влезе Марио Балотели. Само 60 секунди подоцна, Балотели постигна гол за 2:1 за Монца, а потоа доби и жолт картон. Салернитана се обиде да израмни, но во финишот Балотели повторно беше главен.
Со својот втор погодок, ја потврди победата на Монца од 3:1. По 35 кола, Салернитана е на третото место со 60 бодови, а Монца сега има 58 бодови и е на четвртата позиција. Вториот Лече има 61 бодови, па во последните три кола ќе биде вистинска битка за тоа која екипа директно ќе влезе во Серија А, а кои ќе играат во плејофот.
