Македонија со нетрпение го чека камбекот на својот бомбардер Енис Барди, кој е во карантин од 25 мај поради контакт со заразен клупски колега од Леванте.
Енис пристигна во Скопје на 25 мај и оттогаш е во изолација. За среќа, нема симптоми на корона-вирус, но според протоколот, мораше да биде во карантин.
Се очекува утре или задутре потворно да биде тестиран и ако има негативен тест, тоа ќе биде добар знак за македонската селекција, па играчот од средниот ред на Македонија и еден од најдобрите изведувачи на слободни удари на светот ќе може и да се приклучи на тренинзите.
Засега е речиси сигурно дека Енис нема да игра и против Казахстан на 4 јуни, но најважно е да биде подготвен за настап на ЕП.
Македонија на 8 јуни ќе патува за Букурешт, каде што ќе биде базата на националниот состав и место каде што ќе ги одиграме првите два натпревари, против Австрија на 13 јуни и со Украина на 17 јуни.
Последниот меч од првата фаза во Ц групата ќе го играме со Холандија на 21 јуни во Амстердам.