Енис Барди се најде во елитното друштво во Ла Лига заедно со Лионел Меси, Антоан Гризман, Тибо Куртоа…. како најскап играч на својот тим.
Леванте има добри играчи, а меѓу нив моментно број 1 според ЦИЕС и најскап на трансфер-пазарот е Барди со проценета вредност од околу 24 милиони евра.
Познатата фудбалска опсерваторија со свои методи проценила дека Барди вреди 18 проценти од целиот тим на Леванте, што е при врвот во однос на најскапите фудбалери на тимовите.
Меси е број 1 во Ла Лига со проценка дека мометно вреди 171 милион евра, а зад него е Гризман со 150 милиони евра. Тие се единствените двајца што ЦИЕС ги цени над 100 милиони евра.
Интересно е што Барди беше купен од Ујпешт за сума од 1,5 милиони евра од Леванте, а цената сега, ако се суди според проценката на ЦИЕС, му е речиси 16 пати поголема.
