Капитенот на македонската репрезентација, Енис Барди, имаше голем придонес во победата со пресврт на неговиот Трабзонспор од 4:2 над Газиантеп во 34-тото коло во турскиот шампионат.
Газиантеп ги шокира домашните фудбалери постигнувајќи два гола во првото полувреме преку Сореску и Драгуш, но во вториот дел Трабзонспор направи голем пресврт, постигна четири гола за победа, а еден од нив беше дело на Барди.
Кај домашниот тим блескаше Паул Онуачи кој постигна хет-трик, а Барди беше стрелец на вториот гол за Трабзонспор во 65-тата минута.
