Пари Сен Жермен никогаш во клупската историја не бил европски првак, но според квотите кои се даваат за денешното финале против Интер, францускиот клуб е на добар пат да испише историски момент. Сепак, Интер е тим кој покажа дека одлично игра и не се предава и кога е во улога на аутсајдер, па на патот до финалето ги елиминираше фацоризираните Барселона и Баерн Минхен.
Сега, редот на Интер е да се обиде да го победи и ПСЖ. Николо Барела е еден главните играчи во тимот на Нераѕурите, а тој смета дека најважно за ваквите дуели е екипата да одигра „со срце“.
„Тактиката има значење и влијание до одредена мера, но на крајот многу ќе биде потребно да се одигра со срце. Прекрасен е споменот од голот на Фратези против Баерн Минхен. Тоа беше фантастично. Сезонава победивме некои од најдобрите екипи во Европа како што се Барселона и Баерн Минхен“, вели Барела.
Пред само два месеци Интер се бореше за тројна круна, но сега екипата е во опасност да остане без ниту еден пехар.
„Тоа е фудбалот. Треба да знаеш да се исправиш на нозе, веднаш откако ќе паднеш. Во последните неколку години често го правиме тоа. Многумина од нас имаат искуство со играње во финале и едноставно треба да уживаме во тоа. Истотака знаеме дека тактиката е важна, но на крајот, најважно од се е да се игра со срце. Ќе дадеме се од себе“ вели Барела, кој додава дека секој меч започнува со 50-50 шанси за двата тима да победат, а со играта на теренот се покажува кој ќе стигне до трофејот.
