Фудбалскиот клуб Барселона формално ја изрази својата подготвеност да учествува, заедно со Градскиот совет на Барселона и Владата на Каталонија, во почетниот процес на кандидатурата за организација на финалето на Лигата на шампионите во 2029 година, предлагајќи го градот Барселона како можно место за одржување на настанот и „Камп ноу“ како предложен стадион.
Секако, сето ова под услов стадионот да добие соодветна хомологација и одобрување од УЕФА и со поддршка на Кралската шпанска фудбалска федерација како домаќин и коорганизатор.
Овој процес е дел од фазата на прелиминарна анализа и евалуација. Клубот и вклучените институции ја доставија почетната документација потребна за да се продолжи со постапката и да се овозможи УЕФА да ја процени соодветноста на апликацијата согласно утврдените протоколи.
Формализацијата на конечната кандидатура и доставувањето на комплетното досие, со целата потребна документација за да се добие право на домаќинство на финалето, е закажана за почетокот на јуни годинава.
На „Камп ноу“ не се играло финале уште од 1999 година, па ако Каталонците ја добијат организацијата во 2029, тоа би било точно на 30-годишната од претходното играно финале на ЛШ на најголемиот стадион во Европа.
