Чави Ернандес ќе ја напушти тренерската функција во Барселона на крајот на сезонава, но може да се случи тој и да не го дочека јуни на клупата на Барса.
Претседателот на Барселона, Жоан Лапорта, му дозволи на Чави да го води тимот до крајот на сезонава, но има шпекулации дека го советуваат пред тоа да се раздели со клупската легенда, под чие водство мали се шансите сезонава да освојат некој трофеј и дека тоа може да се случи веќе за десет дена.
Барса испадна од Купот на Шпанија, во првенството има големи десет бода негатива зад Реал Мадрид, а во Лигата на шампионите конкуренцијата е пеколна. На 21 февруари Каталонците му гостуваат на Наполи во осминафиналето на ЛШ и во случај на многу неповолен резултат, трпението на Лапорта може да попушти и тој уште тогаш да го смени Чави. Се зборува и дека е јасно дека во таков случај екипата до крајот на сезоната би ја водел Рафаел Маркес.
Ако Барса биде елиминирана од Наполи, тогаш Чави сам ќе си оди, нема да чека да го избркаат.
