Мемфис Депај ќе мора до крајот на преодниот рок да си најде нов клуб, бидејќи конкуренцијата во Барселона ќе го остави без минутажа. Нема место за Депај покрај Левандовски и Обамејанг во нападот како опции за Чави, па сега Холанѓанецот се поврзува со неочекуван камбек на „Олд трафорд“.
Депај играше една и пол сезона во дресот на Црвените ѓаволи и беше тотално промашување на „Олд трафорд“. Не оправда ниту цент од потрошените 35 милиони евра кога потпиша за Јунајтед во летото 2015 година. По само една и пол сезона беше продаден на Лион, каде што можеше во целост да го истакне својот потенцијал.
Иако ова не е Холанѓанецот кој Манчестер првично го бараше како засилување од редовите на Барселона (Де Јонг е главната мета на тренерот Тен Хаг), новиот менаџер на 20-кратниот англиски првак нема ништо против да соработува со Депај. Како што е познато, доволни би биле 20 милиони евра за Барса да даде зелено светло за трансферот на офанзивецот.
