Играчот за врска на Барселона, Иван Ракитиќ, поради повреда на тетивата, ќе паузира до три недели. Хрватот се повреди за време на репрезентативните обврски со „коцкестите“.
Барселона нема да смета на неговите услуги за претстојното дерби против Атлетико Мадрид, закажано за 24-ти ноември, како и за дуелот против ПСВ Ајндховен во Лигата на шампионите.
Интересно, ова ќе биде најдолго отсуство на Ракитиќ откако пристигна во редовите на Барса во 2014 година. Вкупно пропуштил три натпревари досега, од кои два беа минатата сезона поради скршен прст.
