Барселона денес веројатно ќе стигне навреме да го регистрира Жил Кунде за да биде во конкуренција за настап против Валјадолид во недела. Фрустрациите растеа како што одминуваа првите две кола, Французинот остана единствен нерегистрирач играч од новите засилувања на Каталонците, но тој проблем денес ќе се реши со помош на Обамејанг.
Управата изгледа ќе попушти и наместо да бара 30 милиони евра, ќе го прифати пакетот на Челзи од 22+5 милиони евра за искусниот голгетер да се врати на Островот, каде што претходно настапуваше во дресот на Арсенал. Овој трансфер и дефинитивно ќе ѝ помогне на Барселона да ги регулира финансиите и да го направи Кунде достапен за тренерот Чави.
