Капитенот на Манчестер јунајтед, Бруно Фернандеш, летово ќе го напушти „Олд Трафорд“, а според шпекулациите, тој ќе се пресели во Барселона. Каталонците се заинтересирани за неговите услуги, а и самиот фудбалер има желба да ја продолжи кариерата во Барселона.
Планот на Манчестер јунајтед беше да го трампа Португалецот на Френки де Јонг, плус да ѝ доплати на Барселона, но сега ситуацијата може да се искомплицира. Три други екипи имаат интерес да го ангажираат Бруно Фернандеш, а се работи за Баерн Минхен, како и за два клуба од Саудиска Арабија, Ал-Хилал и Ал-Итихад.
Сепак, капитенот сè уште има активен договор, а Манчестер јунајтед ќе биде тој што ќе одлучи чија понуда ќе прифати, а потоа и самиот фудбалер ќе треба да ги договори личните услови.
